ರಕ್ಷಕರ ಸಮ್ಮೇಳನ

ಮಾಹಿತಿ ಶಿಬಿರ 2014-2015

        14-11-2014 ರಂದು ಮಕ್ಕಳ ದಿನಾಚರಣೆಯ ಪ್ರಯುಕ್ತ ಹೆತ್ತವರಿಗಾಗಿ ವಿಶೇಷ ಮಾಹಿತಿ ಶಿಬಿರ ಅಪರಾಹ್ನ 2 ಗಂಟೆ ಸರಿಯಾಗಿ ಆರಂಭವಾಯಿತು. ವಾರ್ಡು ಸದಸ್ಯ ಆನಂದ ಮಾಸ್ತರ್ ಶಿಬಿರವನ್ನು  ಉದ್ಘಾಟಿಸಿದರು. PTA ಅಧ್ಯಕ್ಷರುಗಳಾದ ನಿತೀನ್ ಚಂದ್ರ ಪೈ, ಪುತ್ತಬ್ಬ ಕುಂಜತ್ತೂರು, ಆಡಳಿತ ಮಂಡಳಿಯ ಸಲಹಾ ಸಮಿತಿಯ ಸದಸ್ಯೆ ಲಿಲ್ಲಿ ಟೀಚರ್, LP ಶಾಲಾ ಮುಖ್ಯೋಪಾಧ್ಯಾಯಿನಿ ಸುದತಿ ಬಿ. ಉಪಸ್ಥಿತರಿದ್ದರು. ಹಿರಿಯ ಶಿಕ್ಷಕ ಪುಂಡಲೀಕ ನಾಯಕ್ ಕಾರ್ಯಕ್ರಮದ ನೇತೃತ್ವ ವಹಿಸಿದರು. ಮಹೇಶ ಕೆ. ಸಹಕಾರ ನೀಡಿದರು. ಶಿಬಿರದಲ್ಲಿ ಉದ್ದೇಶಗಳು, ಮೌಲ್ಯಗಳು, ಮನೋಭಾವಗಳು, ಅಭ್ಯಾಸಗಳು ಕಲಿಕೆಗೆ ಬೆಂಬಲ ನೀಡುವುದು ಹೇಗೆ ಇತ್ಯಾದಿ ವಿಚಾರಗಳ ಬಗ್ಗೆ ಹೆತ್ತವರಿಗೆ ಮಾಹಿತಿ ನೀಡಲಾಯಿತು. ಮನೆಯ ವಾತಾವರಣ, ಭಾವನಾತ್ಮಕ ಬೆಂಬಲ, ಮಗನೋ ಮಗಳೋ ಒಂದೇ ಇತ್ಯಾದಿ ವಿಚಾರಗಳನ್ನು ವಿವರಿಸಲಾಯಿತು. ಹೆತ್ತವರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿದ್ದರು. ಲಘು ಉಪಹಾರದ ವ್ಯವಸ್ಥೆ ಮಾಡಲಾಗಿತ್ತು.